ائله كی دونیایا گلدی كورپه‌لر
او گوندن هئی اولچور بیچیر آنالار
ماهنی لاردا قوشور، شعیرده دئییر
بسته كار آنالار، شاعیر آنالار
زامان آلنینا ووردوغو قیریش
باشینا توكور ، قارالع ییر قیش
اودون ایستیسندن آرالانمامیش
سویون سویوغوندان كئچر آنالار
اوزومده بیلیرم آی حسین نییه
باشیمین توستوسو چكیلیر گویه
تورپاقدا آناسیز قالماسین دئیه
توپراغین قوینونا كوچور آنالار
حسین عاریف
هر یئر قارانلیق ایدی ، قارا دومانلیق ایدی ، دان اولدوزو سؤكولدو ، هر یئره نورتوكولدو ، آنا گلدی اوجاغا ، سویوق قاچدی بوجاغا ، آنا گونو قوتلو ، یاشایاسیز موتلو
سهیلا صدیقی
نه‌دن یازماغیمی بیلسمده ، نه‌یی یازماغیما قالمیشام .سئوگی
نیین‌نه‌دن سیز اولدوغو بیلركن ، سئوگی لرین لاپ
اوجالیغیندان دانیشكاق هامیلارا یئتیشمه‌سه ، منه هئچ
چاتماز. آنا ، سؤزونه آرتیریلمیش «آ» سسلی‌سی اونون
آنلاغینین چوخلوغون داها داهادا یوكسه لدیب.نه‌دن گؤزل آد
وئریلمیش دیر. دونیانین هوچ بیر دیلینده آنانین داشیدیغی
آنلام بیزیم آنالارین دوغرودان داشیدیغی- یاشادیغی آنالیق
آنلامینی وئرمیر. آنانی یازیچیلار، شاعیرلر مین بیر گؤزه للی
یه اوخشاتسالاردا ، اونلار اؤزوتك – تك گؤزه‌للی‌یین
اوجالیقلاریندان اولسالاردا آنانین یئرین وئره‌نمزلر.آنا؛
توپراق كیمی یوردكیمی دیر ایتیرندن سونرا‌ده یرینی یاخشی
باشا دوشوروك.