بو سونوج(نتیجه) ۴-۳ایل تیراختور اویونلاریندان، ایستادیملاردا، تجربه ایله آلینیب.

گونر مورانلی ۹۲/۷/۱۲

تیراختورون اویونلارین ایزله ینلر بیر بیتؤولو بؤلومده(تقسیم كلی) ایكی اولورلار:

۱- آنتی تیراختورلار ۲- تیراختورو ایسته ینلر

 تیراختورو ایسته ینلری ده ایكی گروپدا یئرلشدیرمك اولور :

۱- تیراختور یانداشلاری (۹۸%) ۲- تراكتور تاماشاچیلاری(۲%)

و سوندا دا بو تیراختور یانداشلارینی دا ایكی یئره بؤلمك اولار :

۱- آذربایجان تیراختورچولاری ۲- تراختورچیلار

آنجاق گؤرك هر بؤلومون و گروپون اؤزللیكلری(ویژگی لری) نه دیر؟!

بوردا یالنیز چوخ گؤزه گلن اؤزللیكلری گتیرمیشیق:

- آنتی تیراختورلار:

بونلار فاشیست لر،شونیست لر، توركلری گؤزو گؤتورمه ین لر، ساتقین لار

بولارین هدفلری، توركلرین بوتون طبیعی حاقلارین اللریندن آلماق دیر و ایسته مزلر

بیزیم باشیمیز اوجالسین و گلیشمه میزدن(پیشرفتیمیزدن) گؤزلری چیخیر.

تهراندا یاشایان تیراختورچولار بئله اینسانلارلا چوخ اوز اوزه گلیرلر و هر تیراختورچونو

بیر پان تورك و …. آدلاندیریب و تخریب ائتمك ایسته ییرلر.

-تراكتور تاماشاچیلاری:

بونلار یالنیز تیراختورون اوتماغی ایله سئوینیب و اوتوزماغی ایله

ندن سیز(بی دلیل) باشلاییرلار دیللنمگه و اعتراض ائتمگه و تیراختورو و اویونچولاری

چكیرلر اویوندان قیراغا (حاشیه) و بئله لیكله تیراختور داها دالی دوشور  و تاسیفله بئله

بیر فرهنگ، اس اس و پس پس دن قالان بیر فرهنگلر دیر و بئله گؤرونور بونلار هله

اوركلری بیراز ”اسپس” یانیندا قالیر و  یاخچی بودور كی بونلارین سایی چوخ  آزدیر.

بونلار تیراختور اویونلارینا ایستادیوما دا گلسه لر بیر بوجاقدا اوتوروب نه سس نه های

نه تشویق نه شعار بلكه یئمك یئییب و ۱۵ دقیقه اویوندان قالاندا چیخیب گئدرلر.

تراختورچیلار:

۱- اویونون سونوناجان تیراختورا نفس وئریب و تشویق ائله ییرلر

۲- تیراختور گول یئسه  عیبی یوخ عیبی یوخ  سسله ییرلر

۳-قیرمیزی بایراقلاری و تیراختور سیمگه لری ایله ایستادیوملاردا اولورلار

۴-ایستادیومدا صندلی ده اوتورماقدان خوشلاری گلمز و آیاق اوسته باخماغی و تشویق

ائله مگی سئویرلر

۵- تیراختورا چوخو فوتبال باخیمیندان یانداشلیق ائله ییرلر

۶- اؤز فرهنگ و داورانیشلاری ایله(رفتار) باشقا تاكیملارین تاماشاچیلارینا اؤرنك

اولورلار و آدلاری دیللره دوشور.

آذربایجان تیراختورچولارین:

آنجاق آذربایجان تیراختورچولارین، اوسته دئدیگیمیز ۶ اؤزللیك یانیندا بو آشاغادا

۸ اؤزل اؤزللیكلری ده(ویژگیهای مخصوص) آرتیرماق اولار(آزتیراختورچولار) :

۱- ایستادیوما گئتمگی اؤزلرینه بیر گؤرو (وظیفه) بیلیرلر و باشقالارین دا ایستادیوما

گئتمك ایچین تشویق ائله ییرلر

۲- تیراختورو هر بیر دورومدا سئویب و آرخاسیندا دیرلار و اونون اوتوب اوتوزماغی

هئچ اؤنملی دئییل(آرادا ساتقینلیق و خیانت اولماماسی شرطی ایله)

۳- تیراختورون دوشمانلاری اونلارین دوشمانی و تیراختورو سئونلر اونلارین سئوگی سی

۴-تیراختورو تبریزین یوخ بلكه بوتون ایران توركلرین تاكیمی بیلیرلر و بیر آدلا تانیرلار

” آذربایجان تیراختورو “

۵-تیراختورو بوتون توكلرین كیملیك سیمگه سی(نماد هویت) بیلیب و تیراختورا توهین و

خیانت ائدنلری باغیشلامازلار.

۶-اویونون سونوناجان تشویق ائله ییب و سوندا سونوجا(نتیجه یه) باخمایاراق اویونچولاری

آلقیشلاییرلار و بیرلیك گوجو ایله گله جگه اومودلاری وار.

۷- فوتبال یانیندا، آذربایجان مدنیتین، فرهنگین و ایستك لرین تانیتدیرماق ایسته ییرلر

۸-و سوندا، هدفلری بودور تیراختورون اوغورو ایله بوتون توكلرین باشینی اوجالتماق