عکس یاشاسین آزربایجان یاشاسین تراختور
متن رنگی

http://aytam.1000charge.com/ خرید شارژ اینترنتی

بیز گلیروخ ای آسیا، تورکلرین ایفتیخارویخ، تیراختورون عاشقیوخ، هر تیمین بیز سروریوخ چوخلی زحمتلر چهدوخ، تا بو گونی بیز گوردوخ، آندولا اللها کی بیز، حقیمیزه ال تاپدوخ تک توپ پيش بيني مسابقات فوتبال به زبان سرخم خنديدي - انقلابه سبزت را به نظاره نشستم - در مرگ درياچه ام سکوت مکن - تا به وداع خليجت نخندم آلدیغمیز بیلگیلارا بو سایت یئنی دا فیلتر اولوب دی
یاییلیب : چهارشنبه 23 مرداد 1392 | یازار : آنا وطن سوزو | بؤلوم : اخباري شبكه گوناز | 0 باخيش لار

بير نئچه گون اؤنجه "باي باك" سايتي گوني آذربايجان ميللي آزادليق جبهه سي (گاماج) باره سينده تخريب ائديجي معلومات يايميشدير.

"باي باك" سايتينين تقديم ائتدييي تصويرده گؤرونن جناب آذريار دانشور بو باره ده بير يازي ايله چيخيش اديب:

سئوگيلي وطنداشلار ، و دونيالار بده لي ميللي دوشونجه لي باجي قارداشلاريم سلام!

هر شئيده ن اؤنجه سيزه جان ساغليغي ووطنيميزه اوغورلو گله جك ديله ييره م!

كيتابلاردا اوخودوق،معلليم لرده ن اؤيرنديك ، فيلم لرده گؤردوك، تاريخي آراشديرديق ، حياتي سيناديق و روحوموزو دينله ديك. لاپ ظلمتين زيل قارا يئر لرينده ده ايشيق نوطفه لرينين بسلنمه ييني ، اينسانين ايليگينده اولان آزادليق ديله ييني ، و قارا گئجه لرده اولان سحر اوميديني دويدوق ! بيز هانسي ساده حاققيميزي ديله ديك و اينسانين روحونو آشاغي لايان هانسي بوروشوق جاوابلارا راسلاديق! هاميميزا آچيق آشكارا بللي اولدو! كيمسه نين بيزه دوغماروحوموزدان باشقا حق قائيل اولماياجاغيني دا باشا دوشدوك بيز!

بيزمدنيّت دئيه دئيه سئومه يه چاليشديق هركسي، سئوديك، باشقالارينا سئوديرديك آما سئويلمه ديك ، چونكي بيز اونلارين چوخدان بوغازلاريندان سوروشوب اؤج قارينلاريندا قالانميش حاققيميزي ايسته ييرديك ! شنگول منگولوسونو آناسي ايسته ين كيمي! آما بيز اونلارين نه قارينلاريني سؤكدوك ونه سؤكمك ايسته ديك! چونكي بيزمدنيّتين كؤكونده ن سود اميب بؤيويه ن ميللتيك!

بوگون "باي بك" آدي ايله فعاليت گؤسته رن سايت دا گؤردويوم بير يازي و اوچ شكيل قارشيميزدا اولان سيستم قوللارينين نه قده ر غيرمدني و غير اينساني دوشونجه يه صاحيب اولدوغونو بيرداها فيكريمده وورغولادي! آما بو مسئله بو مكتوبون يازماسينا سبب اولمادي. بونا اصيل سبب اولان "باي بك" سايتينين اؤز ماهيّتي و اونون بعضي باجي قارداشلاريميزا آيدين اولماماسي ايدي.

تاريخ بويو آذربايجانين بوتون مبارزه ميدانلاريندا بيزيم قهرمان روحلو ميللتيميزين سارسيلماز اؤزه لليگينه قارشي، حيله كار و آلداديجي سيلاحلار قوللانيلدي ، بئله جه آراميزا نيفاق توخومو سپيلدي وآچيلان بير يومروغون بارماقلاري كيمي، قارداش قارداشدان آيري دوشدو، آتديقيميز آدديملار اؤزگه لرين خئيرينه قورتولدو و بيز اودوزدوق اوميديميزي ، طالعيميزي !چونكي اينانديق هر كسي ! سونرالار بوتون حركتلريميزده گئنه همين آش اولدو همين كاسا ، چونكي بيز اونلارين حيله كارليقلارين اونوتدوق آما اونلار بيزيم ساده ليگيميزي اونوتماديلار!

سايت لاردا هر كسه آيدين اولدوغو كيمي گونئي آذربايجان دا اطلاعات طرفينده ن توتوقلانان غئيرتلي ميللي فعاللاريميزين ايچينده منيم ان ياخين دوستوم اولان مجيد سفيداني و ناصر كاظم پور دا وار . آرتيرمالييام ناصر كاظم پور بير مدت اؤنجه تبريز زيندانينا كؤچورولوب و مجيد سفيداني هله ده اطلاعاتين تك آدامليق حبس خاناسيندا ساخلانيلير،اونلارين هانسي جرمه توتولدوقلاري هله بللي دئييل آما "باي بك "سايتيندا بو باشليقلا (احمد اوبا‌لي و گاماج قورومونون توپلانتي‌لاري ايران اطلاعات مامورلاري‌نين كونترولوندا! ) قويولان خبر و شكيلده ديققتينيزي چكمك ايسته ديگيم بير قونو وار، اوردا يازيب كي(نئچه ايلدير كي باكي، ايستانبول، آنكارا و آمئريكانين ايكي شهرينده سؤزده گيزلي توپلانتي‌لار كئچيرن احمد اوبا‌لي و اونون باشقان‌ليق ائتديگي گاماج قورومو توپلانتي‌لاري دئمه‌لي ايران گيزلي سئرويسي طرفين‌دن ايزلنيرميش. يئني ياييلان گؤرونتولرده احمد اوبا‌لي و هاليهازيردا گوناز قوروموندا چاليشان بير نئچه شخصين بير اوتاقدا دانيشيق‌لاري گؤستريلير. يازي ايله ياييلان گؤرونتولرده ايددئا اولونور كي توپلانتي ائوي اصلينده جناب اوبا‌لي-نين باكي-دا گيزلي اولا‌راق گونئي‌لي‌لري آغيرلاييب ايشه آلديغي يئردير!) بير حالدا كي او شكيللر مجيد سفيدانينين اؤز موبايلي ايله اوشاقلارا چكديرديگي فيلمين بير كادري دير و او گؤروش نؤوروز بايرامي مناسيبتينده اونلارين باكي يا سفر ائتديكلرينده قورولوب. من او گؤرونتوده هميشه كي كيمي شعير اوخويورام و مجيد سفيداني عادتي اولان كيمي منده ن فيلم چكديرير! عئيني حالدا اوردا گؤرونه ن ائو اونلار اوچون بير نئچه گونلوك منيم كيرالاديغيم ائو دير باكي دا، احمد اوبالي بي منيم ايسته ييمله قوناقلاريمي گؤرمه يه گليب و اوردا گئده ن سؤزلراو قده ر گونده مان دير كي حتّي گوناز تي وي يه بئله مربوط اولمور، چونكي بو ساده بير عائله وي گؤروشدور، قالسين كي گاماج تشكيلاتينا آييد اولسون !. اؤنجه بوكي گاماج بير تشكيلات دير، و بوتون گوجلو تشكيلاتلار كيمي، هئچ بير زامان گيزلي اولان توپلانتي لاريندان فيليم چكمه يه ايجازه وئريلمز. ايكينجي سي : مجيد سفيداني وناصر كاظم پور آذربايجان سئوه ن اينسان اولسالاردا او قده ر ساده اينسانلارديلار كي تشكيلات نه دير درك ائده بيلمزلر و فيليم چكديكلري و اونو موبايللاريندا ساخلاديقلاري بونو آيدينلادير، اوچونجوسو: اطّلاعات اداره سينين طراحلاري اونلاردان الده ائتديكليري گؤرونتولري، بئله جه سرگي يه قويماقلا اوساده اينسانلارا ،اونلاري دوستاقدا ساخلايا بيله جك ، بير مدرك و پرونده قازانماق و عئيني حالدا دا باشقا فعاللارا" بيز هر شئيده ن خبريميز وار " دئمك ايسته يير لر. مجيد سفيداني وناصر كاظم پور و عائله لري نؤوروز بايراميندا باكي يا گلميشديلر آما خردادين 22 سينده توتولوبلار، بو اطلاعات اداره سينين سونرادان باشا دوشدويونو يا بيري لرينده ن خبر آلديغيني گؤسترير، بئله جه آرتيرمالييام كي ميللي فعاللارين و ميللتيميزين ايچينده قورخو و توهّم ياراتماق ايسته ديكلري، اونلارين مبارز ماهيّت لريني كيرلنديرمك آماجلاري ، و وطن يولوندا چاليشان ده يرلي قارداشلاريميزين آدلاريني پيسه چيخارتماق ايسته ديكلري ده اورتايا چيخير! بير حالدا كي فارس شوونيزمي اؤزونو اونودان هريئرينده ن دوراني قابا توتوب اؤزونه ضيالي وارليق ساييب ، بيزيم حقيقي ضيالي لاريميزي دا كيچيمسه ييب گؤزلرده ن ساليب ،شخصيّت لريني ترور ائتمك ايسته يير و بو تاريخيميزين هر واراغيندا دائما دوشمانلاريميزين تكرار اولان بيرشيوه سي دير! سونوندا عزيز وطنداشلاريما و دونيالار بده لي اولان ميللي دوشونجه لي مبارز باجي قارداشلاريما بو سوالي سونماقلا مكتوبومو باشا چاتديريرام: باي بك سايتينين دئديگي "1 سؤز" وئبلاگيندا ،گاماجدان و باشقا گؤرونتولرده ن هئچ نه يازيلماييب !" باي بك "سايتي بو سؤزلري نييه يازيب؟ آنجاق اطلاعات اداره سينين الينده اولان بو گؤرونتولري نئجه و كيمده ن آليب ؟دوشمان يانا يازيسيندا هانسي هدفلر گيزله نيب و نه ائتمك ايسته يير؟ يوخسا "باي بك" سايتي دا آغانين اؤز بالاسيدير؟!...

آذريار دانشور

یارپاق لار :

دریافت کد نمایش تبلیغات حیدربابا یه سلام!