Tiraxturfans.Com. آنا دیلی اینسانلارا ان ایلكین كیملیك باغیشلایان عونصوردور. اینسانلار یاشادیخلاری دونیانی آنا دیل لری ایله تانیییب و اوندان ایلگی قورورلار. هر میللتین وارلیغی آنا دیلیسی ایله ایلگیلیدیر. بو گونكو دونیادا هر اینسانا اؤز آنا دیلینده مكتب آچیلماخ و یازیب-اوخوماق حاققی رسمییته تانینماخ اینسانلارین ان ایلكین حاخلاریندان ساییلیر. آنا دیلینین اینسانلارین یاشامیندا او قده ر اؤنمی یوكسكدیر كی یونئسكو ۱۹۹۹-جو ایلده، فئورال آیی نین ییرمی بیرین (بایرام آیی نین ایكی سین) دونیالیق آنا دیلی گونو آدلاندیردی. همن زاماندا دؤولتلرده ن ایسته نیلیب كی اؤلكه لرین رسمی دیل لرینین یانیندا، اؤلكه ایچینده یاشایان باشقا میللتلرین دیل لری ده رسمییه ته تانینمالی، بوتون ساهه لرده ایشه گئچمه لی و اونون گلیشمه سینه ایمكان یارادیلمالیدیر.

بو گون دونیانین بوتون اینسانلارینا، اؤزه للیكله قوتسال اؤلكه میز آزربایجانیمیزدا یاشایان دیل داشلاریمیزا قوتلو و موتلو اولسون. آنا دیلیمیزی قوروماق اوچون بو گونده ن بری، اؤز آنا دیلیمیزده یازیب-اوخوماغی باشلاییب، بیر-بیریمیزه توركی كیتاب ایتحاف ائدیب، آنا دیلیمیزین اؤیره نمه و اؤیره تمه سینده چالیشیغیمیزی داها آرتیریب و آنا دیلیمیزه سؤیكنمكله اؤز یوكسك كولتوروموزو یاشادیغیمیز دونیادا یایماغا چالیشاق.

 

شنبه 19 فروردین 1391
آچار سؤزلر : آنا دونیا
بؤلوملر :