دوشونجه:

مئهر آیی گلیب چاتیب آنجاق تورك دیلی هله ده یاساقدیر. دیلیمیزی آغزیمیزدا یاندیریرلار. تورك دوشمانلاری نامردجه سینه دیلیمیزی، تاریخیمزی، كیملیكیمیزی و بوتون وارلیغیمیزی یوخ ائتمه یه چالیشیرلار.

بو دووردا بیزیم گوره ویمیز چوخ آغیردیر. توركجه میزی قورویوب چیچه كلندیرمه لیییك. داهی لریمیزین چالیشمالارین سونا یئتیرمه لیییك. تورك دیلینین گوجله نمك یولوندا چالیشان كاشغرلی لر، حاجیب لر، نسیمی لر، خطایی لر، فوضولولار، سهندلر، زهتابی لر، شهریارلار، جاواد هئیت لر، متین پورلار و... لرین یوللارین سونا چاتدیرمالییق.

بیز بویوك اوغوز خاقانین ائولادیییق. بویوك بیلگه خاقان نوه سی ییك! نه دن بئله ظولم آلتیندا یاشامالییق! آتامیز بابك ظولم آلتیندا باشین اه یدی كی بیزده باشیمیزی اه یه ك؟

بیز بو ظولمه سون قویاجاییق! بیز بو ظولمه سون قویاجاییق!

گونش چیخماغینا آز قالیر. تلسمه ییك!

توركون دیلی تك سئوگیلی ، ایستك لی دیل اولماز
اوزگه دیله قاتسان ، بو اصیل دیل ، اصیل اولماز
اوز شئعرینی فارسا ، عربه قاتماسا شاعیر
شئعری اوخویانلار ، ائشیده نلر كسیل اولماز

شنبه 20 خرداد 1391