خوی شهری
خویون افتخاری شمس تبریزی          بوردا یاتیب مولانانین عزیزی

میناره سی عظمتلی عزتلی               یوزلر یور بوینوزودور زینتی

سلام اولسون قونیه یه هم خویا         حؤرمتلی توپراقلار قالارغی قالا

دارلصفا شهری آباد اولاسان              آسلان قیز اوغلانلار یئنه دوغاسان

آسلانین اركَكَی دیشی سی اولماز       بو شَهَر ده قیز اوغلاندان تانینماز

آدلی شانلی قوچان ایگیدلرین وار       محببت لی صفالی ائللرین وار

یاشاسین دونیادا آسلان اوغلانلار         خوی شهرینده بؤیویوب آدلانانلار

«زریاب خویی» ائلین آدین اوجالتدی         شهریمیزین افتخاری چوخالتدی

«دوكتور قربانی» یه سلام لار ائلا         عؤمور بویو خدمت ائدیب خویلویا

«كریم زاده »«ریاحی»لر«سعدی»لر         «آغاسی» سؤزلرین شعر ایله دئیر

احمدخان دونبولی روحو شاد اولسون         دونیا بویو آدی سانی یاد اولسون

«زاهدی» «رحیملو» «حكمت شعار»لر         «تبریزدانیشگاهیندا» جان قویارلار

«انصـــاریان» روشندل لر آتاسی         افتخار ائتسین لر آتا آناسی

بوزلر جوان شاعیر خویون وصفینده         سؤزلر یازیب گؤزل توركی دیلینده

هئی اوجالین شانلی خویون داغلاری         انگیزده بسله یه سیز باغلاری

دؤشلرینده  آخار بولاقلارین وار         آلما هئیوا خومار آمرودلو باغلارین وار

دوزلاقلاردا توكنمه یَن دوزلارین         شیرین سؤزلو خومار گؤزلو قیزلارین

خویون قیزی دوزو بوزو دیللرده         محبّت آختارسان بیزیم ائلرده

یاز گلر كن یاسمن لر گول آچار              قیزلار اونو دریب تئلینه ساچار

قیزیل گولون عطری بورویر باغی               شوشه لره دولدورارلار گولایی

گولون یاپراقلارین قنده قاتارلار                 گول قندی دوزه لدیب گونه قویارلار

آی نه گؤزل دادلی گول موربّاسی               قیزیل گولو آیرانلارا قاتماسی

مرداد آیی گونه باخان گوللری                   گونش كیمی پارلار توتار چؤللری

«نظمیه گوچه سی »«معارف دالانی»                اوردا منیم خاطراتیم دولانی

 

 

 

 

شنبه 13 اسفند 1390
بؤلوملر :