چوخ سئوینیب شنله نیره م
اوزدیلیمده سوز یازاندا
بولبول كیمی دین له نیره م
اوز دیلیمده سوز یازاندا.
چوخ شیرین دیر انا دیلیم.
قوربان اولوم من بو دیله
دنیز كیمی چاغلایئرام
اوز دیلیمده سوز یازاندا
هر ان بو یورقون جانئما
جان باغئشلئر انا دیلیم
بیر گولومده ن مین گول اچئر
اوز دیلیمده سوز یازاندا
چشمه لرده ن اخان سو تك
دوم دورودور انا دیلیم
بولاخ كیمی قاینییئرام
اوز دیلیمده سوز یازاندا
چوخ گوزه ل دیر گوزلر كیمی
دادلی شیرین سوزلر كیمی
سوزله نیره م سازلار كیمی
اوز دیلیمده سوز یازاندا
عومروم گونوم گوندوزومدی
سئوگیم سئودام سئوگیلیم دی
گووه نیره م قاینایئرام
اوز دیلیمده سوز یازاندا
باش باهارئم باش یازئم دئر
دادلی دوزلی اوازئم دئر
غم لر قاچئر اوره گیمده ن
اوز دیلیمده سوز یازاندا
چوخ ایستیره م اوچام قاچام
اذربایجان ائللرینده
قئزل گول تك عطیر ساچام
اوز دیلیمده سوز یازاندا
اوندان سورا محبتده ن
دویغو دولو حرارتده ن
دنیز كیمی جوشوب داشام
اوز دیلیمده سوز یازاندا
هر بیر ائلین بیر داغی وار
بویوك یوكسك دایاغی وار
منه سونمز چراغ دیلدیر
اوز دیلیمده سوز یازاندا
سئوینیره م وارلئغئما
چونكی دیلیم وارلئغئمدئر
داردان قاچوب قورتولورام
اوز دیلیمده سوز یازاندا
اتام انام یوردوم یووام
یاشئل كوینك ائلیم اوبام
قلم كیمی چیچكله نیر
اوز دیلیمده سوز یازاندا
گوزلریمده ن اخان یاشلار
گوزه ل گوزه لقلم قاشلار
اوره ك سئوه ن سویله ییرلر
اوز دیلیمده سوز یازاندا
كور اوغلودان قوچ نبی ده ن
فضولی ده ن شهریاردان
فخر ائده ره ك سوز یازئرام
اوز دیلیمده سوز یازاندا
گویده قانات اچئر قلم
چیركینلیكده ن قاچئر قلم
گول تك عطیر ساچئر قلم
اوز دیلیمده سوز یازاندا
دامارئمدا قان قاینایئر
گوزلریمده جان قاینایئر
سوزوم دئیر:یان قاینایئر
اوز دیلیمده سوز یازاندا
گونش كیمی شاخئر سوزوم
چایلار كیمی اخئر سوزوم
هئچ بینمیر پاخئر سوزوم
اوز ئیلیمده سوز یازاندا
نه اولار گوروم اوجالئغئن
اوزون عومرون قوجالئغئن
یالوارئرام اوز تانرئما
اوز دیلیمده سوز یازاندا.